အပြည်ပြည်ဆိုင်ရာ လိင်တူချစ်သူများအပေါ် ကြောက်ရွံ့မုန်းတီးမှုများအား ဆန့်ကျင်ရေးနေ့

အပြည်ပြည်ဆိုင်ရာ လိင်တူချစ်သူများအပေါ် ကြောက်ရွံ့မုန်းတီးမှုများအား ဆန့်ကျင်ရေးနေ့
(၁၇ ရက်၊ မေ လ၊ ၂၀၁၅ ခုနှစ်)

 

လိင်တူချစ်သူများအပေါ် ကြောက်ရွံ့မုန်းတီးမှုဆိုတာ ဘာလဲ။

လိင်တူချစ်သူများကို ကြောက်ရွံ့မုန်းတီးမှုဆိုသည်မှာ ယေဘုယျအားဖြင့် လိင်တူချစ်သူ၊ လိင်တူချင်း စိတ်ဝင်စားတဲ့သူများကို မကောင်းမြင်ခြင်း၊ ရွံရှာမုန်းတီးခြင်း၊ ထိုသူများနဲ့အတူ သွားလာနေထိုင်ရသည်ကို မနှစ်မြို့ခြင်း၊ ထိုသူများ တည်ရှိနေခြင်းကို အသိအမှတ်မပြုဘဲ ဖယ်ကျဉ်ထားခြင်း၊ ထိုသူများကို သာမန်လူတစ်ယောက်ကဲ့သို့ မမြင်ဘဲ စံလွဲမှားနေသောသူများ (သို့မဟုတ်) သဘာဝတရားကို ဆန့်ကျင်နေသောသူများအဖြစ် ရှုမြင်ပြီး ထိုသူများကို ခွဲခြားဖိနှိပ်စော်ကားခြင်း၊ အကြမ်းဖက်ခြင်းများအပြင် အကြောင်းမဲ့ သတ်ဖြတ်ခြင်းများသည် လိင်တူချစ်တဲ့သူများကို ကြောက်ရွံ့မုန်းတီးခြင်းများပင် ဖြစ်ပါသည်။

လိင်တူချစ်သူများအပေါ် ကြောက်ရွံ့မုန်းတီးသည့်စိတ်သည် မိမိ၏ အသိစိတ်တွင်ဖြစ်စေ၊ မသိစိတ်တွင်ဖြစ်စေ အမြစ်တွယ်နေတတ်သည်။ ထိုစိတ်သည် တစ်ခါတရံ လိင်တူချစ်သူများ၏ စိတ်တွင်လည်း ကိန်းအောင်းနေတတ်သည်။ မိမိကိုယ်တိုင် လိင်တူစိတ်ဝင်စားနေသူဖြစ်သော်လည်း လူမှုအသိုင်းအ၀ိုင်းမှ ပုံစံသွတ်သွင်းမှုများကြောင့် မိမိ၏ ဖြစ်တည်မှုကို လက်မခံဘဲ မိမိကိုယ်မိမိ မုန်းတီးမှုများ ရှိနေတတ်သည်။

အပြည်ပြည်ဆိုင်ရာ လိင်တူချစ်သူများအပေါ် ကြောက်ရွံ့မုန်းတီးမှုအား ဆန့်ကျင်ရေးနေ့ ဆိုတာက ဘာလဲ။

၁၉၉၀ ခုနှစ် မေလ ၁၇ ရက်နေ့တွင် ကမ္ဘာ့ကျန်းမာရေးအဖွဲ့ (WHO) က လိင်တူချစ်ခြင်းကို စိတ်ရောဂါအဖြစ် သတ်မှတ်ထားခြင်းမှ ပယ်ဖျက်ခဲ့သည်။ ထိုနေ့ကို အစွဲပြု၍ နှစ်စဉ် မေလ (၁၇) ရက်နေ့ကို အပြည်ပြည်ဆိုင်ရာ လိင်တူချစ်သူများအပေါ် ကြောက်ရွံ့မုန်းတီးမှုများအား ကန့်ကွက်ဆန့်ကျင်ရေးနေ့အဖြစ် သတ်မှတ်၍ ကမ္ဘာအရပ်ရပ်ရှိ လိင်တူချစ်သူများနှင့် လိင်တူချစ်သူများအပေါ် နားလည်သောသူများက ပူးပေါင်း၍ လိင်တူချစ်သူများအပေါ် ကြောက်ရွံ့မုန်းတီးမှုများ ပပျောက်ရေး အခမ်းအနားများ၊ ညီလာခံများ၊ ပညာပေး ဟောပြောပွဲများ၊ စီတန်းလှည့်လည် လမ်းလျှောက်ပွဲများကို ကျင်းပပြုလုပ်လေ့ရှိသည်။

မြန်မာနိုင်ငံတွင်လည်း လွန်ခဲ့သည့် ၂၀၁၂ ခုနှစ်မှ စတင်၍ ရန်ကုန်၊ မန္တလေးမြို့ကြီးများအပြင် အခြားမြို့ငယ်များတွင်လည်း ပညာပေး အစီအစဉ်များ၊ ဖျော်ဖြေမှုများ၊ ကြေညာချက်စာတမ်း ထုတ်ပြန်ခြင်းများကို ပြုလုပ်ခဲ့ပါသည်။

ဘာကြောင့် အပြည်ပြည်ဆိုင်ရာ လိင်တူချစ်သူများအပေါ် ကြောက်ရွံ့မုန်းတီးမှုများအား ဆန့်ကျင်ရေးနေ့ကို ကျင်းပရတာလဲ။

အသားအရောင်၊ ကျား၊မ လိင်ကွဲပြားမှုအပေါ် အခြေခံသော ခွဲခြားဆက်ဆံမှုများကဲ့သို့ပင် လိင်စိတ်ခံယူမှု ကွဲပြားမှုအပေါ် အခြေခံပြီး ခွဲခြားဖိနှိပ်ဆက်ဆံသည့် အဖြစ်အပျက်များမှာ ယနေ့တိုင် ကမ္ဘာအနှံ့အပြားတွင် ဖြစ်ပွားလျက် ရှိနေသည်။ လိင်တူချစ်သူများသည် မိမိ၏ လိင်စိတ်ခံယူမှုကို လက်မခံနိုင်သည့်အပြင် အခြားသူများ သိရှိသွားမည်ကို စိုးရိမ်စိတ်ဖြင့် ဖုံးကွယ်ဟန်ဆောင် နေထိုင်ရလျက်ရှိသည်။ ထို့အပြင် လူငယ် အမြောက်အမြားမှာ နေအိမ်မှဖြစ်စေ၊ မိသားစု ဆွေမျိုးအသိုင်းအ၀ိုင်းမှဖြစ်စေ ဖယ်ကျင်နှင်ထုတ်ခံရခြင်းများ၊ နေ့စဉ်နှင့်အမျှ ဖြစ်ပွားလျှက်ရှိသည်။

ထိုသို့ မိမိ၏ ဖြစ်တည်မှုကို ဖုံးကွယ်နေထိုင်နေရခြင်း၊ လိင်စိတ်အမှန်ကို တခြားသူများ သိရှိသွားမည်ကို စိုးရိမ်ကြောက်ရွံ့နေရခြင်းနှင့် လိင်စိတ်ခံယူမှု ကွဲပြားမှုအပေါ် အခြားသူများ၏ ဖယ်ကျဉ်မှုများ၊ အနိုင်ကျင့်မှုများကြောင့် မိမိကိုယ်မိမိ သေကြောင်းကြံစည်မှုများမှာ နေ့စဉ်နှင့်အမျှ ဖြစ်ပွားလျက်ရှိသည်။ ထို့အပြင် မြန်မာနိုင်ငံအပါအ၀င် ကမ္ဘာပေါ်ရှိ (၇၆) နိုင်ငံတို့တွင် ယနေ့ထက်တိုင် လိင်တူချင်း ချစ်ခြင်းကို ရာဇ၀တ်မှုအဖြစ် သတ်မှတ်ထားဆဲဖြစ်သည်။ အချို့နိုင်ငံများတွင် သေဒဏ်ပေးသည်အထိ အပြစ်ပေးမှုများ ရှိနေသည်။

လိင်စိတ်ခံယူမှုကွဲပြားမှုကြောင့် လုပ်ငန်းခွင်တွင် ခွဲခြားဆက်ဆံခံရခြင်း၊ နှုတ်အားဖြင့် သော်လည်းကောင်း၊ ကိုယ်ထိလက်ရောက် သော်လည်းကောင်း၊ စိတ်ပိုင်းဆိုင်ရာအားဖြင့် သော်လည်းကောင်း နှောင့်ယှက်ခံနေရခြင်း အစရှိသည့် လူ့ဂုဏ်သိက္ခာနှင့်အညီ အသက်ရှင်နေထိုင် သွားလာခွင့်မရခြင်းတို့ကြောင့် (ကမ္ဘာ့ကျန်းမာရေးအဖွဲ့မှ လိင်တူချစ်ခြင်းသည် ရောဂါမဟုတ်ပါ။ လိင်တူချင်းချစ်တာဟာ သာမန်ဖြစ်ရိုးဖြစ်စဉ် သဘာဝတစ်ခုသာဖြစ်ပါသည်ဟု ထုတ်ပြန်ကြေညာလိုက်သည့်) ၁၉၉၀ ခုနှစ် မေလ (၁၇)ရက်နေ့ကို အစွဲပြုပြီး နှစ်စဉ်နှစ်တိုင်းတွင် ထို့နေ့ရောက်တိုင်း အပြည်ပြည်ဆိုင်ရာ လိင်တူချစ်သူများအပေါ် ကြောက်ရွံ့မုန်းတီးမှုများအား ဆန့်ကျင်ရေးနေ့ အခမ်းအနားများကို ပြုလုပ်ကျင်းပရခြင်းဖြစ်သည်။

Credit: Colors Rainbow

ယဉ်ကျေးမှုဓလေ့ထုံးစံအမျိုးမျိုးမှာ တွေ့ရတဲ့ လိင်စိတ်တိမ်းညွတ်မှုအမျိုးမျိုး

လိင်တူချစ်သူယောက်ျားမိန်းမတွေ၊ လိင်တူလိင်ကွဲနှစ်မျိုးလုံးချစ်သူယောက်ျားမိန်းမတွေဟာ အရင်ခေတ်တွေမှာရော ရှိခဲ့ပါသလား။ နိုင်ငံအသီးသီးမှာ ရှိခဲ့ကြပါသလား။ ရှိတယ်ဆိုရင် သူတို့ရဲ့ဦးရေက ယနေ့ခေတ်အနောက်တိုင်းမှာတွေ့ရသလို အတူတူပဲလား။

ဘယ်တော့မှ နောင်တမရဘူး၊ ဖြစ်တာကို ခံယူဖို့ အသင့်ပဲ

အသံခွဲစိတ်မှု  ပြုလုပ်ထားသည့် Make Up Artist မထက် (Pop Soul) နှင့် တွေ့ဆုံခြင်း

ဓာတ်ပုံ- သက်ကို

ရန်ကုန် ၊ ဧပြီ ၂၉။      ။ သဘာဝ လွန်ဆန်မှုတွေနဲ့ ဘဝကို ဖြတ်သန်းနေကြသည့် သူတွေထဲတွင် မထက် (Pop Soul) Make Up Artist တစ်ယောက်လည်း အပါ အဝင်ဖြစ်သည်။ ၎င်းသည် မိန်းမ တစ်ယောက် လိုနေကြည့် ချင်သည့် စိတ်တစ်ခု အတွက် ပထမဆုံး စိန်ခေါ် မှုအဖြစ် ရင်သား ခွဲစိတ် မှုပြုလုပ်ခဲ့ သလိုထို သို့ပြောင်းလဲမှုက ပေးသည့် နာကျင်မှုတွေကို အချိန်အတော်ကြာ ခံစားခဲ့ရသည်။ ယခုအခါမှာလည်း ဒုတိယ စိန်ခေါ်မှုအဖြစ် အသံ ခွဲစိတ်မှု ထပ်မံ ပြုလုပ်ခဲ့သူ တစ်ဦး ဖြစ်သည်။ ဒါ့အပြင် လိင်ပြောင်းလဲမှုကိုလည်း အသက် ၃၅နှစ် မကျော်ခင် ပြုလုပ်သွားရန်လည်း စီစဉ်ထားသည်ဟု သူက ဖွင့်ဟပြောဆိုသည်။ မိမိလုပ် ချင်သည့် အရာကို မဖြစ်ဖြစ်အောင် တစ်ခုချင်း ပြုပြင် ပြောင်းလဲနေသည့် မထက်ကို မဇ္ဈိမမှ သွားရောက်တွေ့ ဆုံမေးမြန်း ခဲ့သည်။

ယောက်ျားတွေနဲ့မိန်းမတွေရဲ့ လိင်စိတ်တိမ်းညွတ်မှု

ယောက်ျားနဲ့မိန်းမတွေရဲ့ လိင်စိတ်တိမ်းညွတ်မှုကို သတ်မှတ်တဲ့အခါ နှစ်မျိုးနှစ်ဖုံ ချဉ်းကပ်လို့ရပါတယ်။ လိင်စိတ်တိမ်းညွတ်မှုကို ဖော်ပြဖို့ အများစုသုံးလေ့ရှိတဲ့ အခေါ်အဝေါ်တွေကတော့ လိင်ကွဲစုံမက်သူ(heterosexual) ၊ လိင်တူလိင်ကွဲချစ်သူ(bisexual) ၊ လိင်တူချစ်သူ(homosexual) တို့ဖြစ်ပါတယ်။ ဒီအခေါ်အဝေါ်တွေမှာ ယောက်ျား၊ မိန်းမ ခွဲခြားသုံးနှုန်းထားမျိုးမရှိပါ။ ယောက်ျားရော မိန်းမမှာပါ လိင်ကွဲချစ်သူဆိုရင် ဆန့်ကျင့်ဘက်လိင်ကို ချစ်ခင်နှစ်သက်သူလို့ ဆိုလိုပါတယ်။ လိင်တူချစ်သူဆိုတာကတော့ ကိုယ်နဲ့လိင်တူသူကို နှစ်ခြိုက်တာဖြစ်ပြီး လိင်တူလိင်ကွဲချစ်သူကတော့ လိင်နှစ်မျိုးကို သဘောကျသူလို့ ဆိုလိုပါတယ်။ ဒီလိုသုံးနှုန်းတာဟာ ယဉ်ကျေးမှု(culture)အရတော့ လက်သင့်ခံနိုင်စရာရှိပါတယ်။ အကြောင်းကတော့ (ယောက်ျားရော မိန်းမမှာပါ)လိင်ကွဲချစ်သူတွေဟာ လူအများစုဖြစ်ပြီး ပုံမှန် လို့ အသိအမှတ်ပြုခံရထားတဲ့လူတန်းစား ဖြစ်နေလို့ပါပဲ။ လိင်တူချစ်သူတွေ(လိင်တူလိင်ကွဲချစ်သူတွေလည်း ပါကောင်းပါနိုင်ပါတယ်) ကတော့ ဝိုင်းကျဉ်ခံရတဲ့လူနည်းစုဖြစ်လို့ပါပဲ။

လိင်စိတ်တိမ်းညွတ်မှု ကွဲပြားနေရတဲ့ အကြောင်းတရားကို သိရှိဖို့ ကြိုးစားနေတဲ့အချိန်မှာ ဒီအသုံးအနှုန်းတွေဟာ သင့်တော်ရဲ့လားစဉ်းစားစရာပါပဲ။ ကျွန်တော်တို့အနေနဲ့ ယောက်ျား၊မိန်းမတွေကို လိင်ကွဲချစ်သူဖြစ်လာအောင် တွန်းပို့ပေးတဲ့ အကြောင်းတရားတွေကို မရှာဖွေသင့်ဘူးလား။ ဒီလိုပဲ ယောက်ျား၊မိန်းမတွေကို လိင်တူချစ်သူဖြစ်လာအောင် ပို့ပေးတဲ့ အကြောင်းတရားတွေကိုရော မရှာဖွေသင့်ဘူးလား။

လိင်တူခင်တွယ်မှုကို ယောက်ျားရောမိန်းမမှာပါ ရှင်းပြနိုင်မဲ့ မိုဒယ်မျိုး တည်ဆောက်ပြလို့ရပါတယ်။

ကျနော် သူ့ကို ချစ်သည်

 

ကျနော် သူ့ကို ချစ်သည်

ခင်မွန်

ကျနော် သူ့ကို ချစ်တယ်။ ချစ်တယ်ဆိုတာ အစ်ကိုတစ်ယောက်၊ ညီတစ်ယောက်၊ သူငယ်ချင်းတစ်ယောက်ကို ချစ်သလို ချစ်တာမဟုတ်ဘူး။ ကျနော် သူ့ကို ချစ်တယ်။ သေချာပါတယ်။ အဲဒီအဖြေကို ကျနော့်ကိုယ်ကျနော် အကြိမ်ကြိမ် မေးကြည့်ပြီးမှ ပြောတာပါ။ ခင်ဗျားကို မပြောပြခင် ကျနော့်ကိုယ်ကျနော် စိတ်ထဲမှာ အထပ်ထပ်ပြောကြည့်ပြီးသား။ ကျနော်ပြောတဲ့အချစ်ကို ခင်ဗျား နားလည်မှာပါ။ ခင်ဗျားမှာ ချစ်သူရှိလိမ့်မယ်လို့ ကျနော်ထင်ပါတယ်။ ခင်ဗျားချစ်သူကို ခင်ဗျားလည်း ချစ်မှာပဲ။ ကျနော်တို့ မိဘတွေ မောင်နှမတွေကို ချစ်ကြတယ်။ သူငယ်ချင်းမိတ်ဆွေတွေကို ချစ်ကြတယ်။ တိရိစ္ဆာန်ငယ်လေးတွေကို ချစ်တယ်။ ပန်းပွင့်လေးတွေ... လှပတဲ့အရာတွေအားလုံးကို လူသားတွေအနေနဲ့ နှစ်သက်တတ်ကြတာ အမှန်ပဲမဟုတ်လား။

"ကျနော်က ရန်ကုန်ဇာတိပါ။ မရမ်းကုန်းမြို့နယ်ပေါ့။ အဖေက စစ်သား၊ အဘိုးကလည်း စစ်သား။ စစ်တပ်ထဲမှာပဲ ကြီးပြင်းခဲ့ရပါတယ်။ မောင်နှမလေးယောက်မှာ တတိယမြောက်ပါ။ ကျနော့်အထက်မှာ အစ်ကိုတစ်ယောက်နဲ့ အစ်မတစ်ယောက်ရှိတယ်။ အောက်မှာ ညီလေးတစ်ယောက် ရှိပါတယ်။ အဘိုးအဘွားလက်ထဲမှာ ကြီးပြင်းလာခဲ့ရတာပါ။ ကျနော့်အသက် ၈နှစ်၊ ညီလေးအသက် ၆နှစ်လောက်မှာ မိဘတွေရဲ့ အိမ်ထောင်ရေး အဆင်မပြေ ဖြစ်ခဲ့ပါတယ်။ ကျောင်းတက်တဲ့ အချိန်ကျမှသာ တပ်ထဲက အဖေ့ဆီမှာ လာနေဖြစ်ပြီး ကျန်တဲ့ အချိန်အများစုကို အဘိုးအဘွားတွေနဲ့ပဲ သွားနေဖြစ်ခဲ့ပါတယ်"

"ကျနော်က မျိုးမင်းထက်ပါ။ မကွေးတိုင်း မင်းဘူးဇာတိပါ။ မိသားစုအားလုံး ခုနစ်ယောက်ရှိတယ်။ ကျနော်က ခြောက်ယောက်မြောက်ပေါ့။ ဖေဖေနဲ့မေမေက ကျနော် ၅နှစ်သားကတည်းက အိမ်ထောင်ကွဲသွားကြပါတယ်။ အဖေက အစိုးရ၀န်ထမ်းပါ။ ကျနော်တို့က အမေနဲ့ပဲ နေတယ်။ အဖေနဲ့ မနေကြတော့ဘူး"